د کمېټې غړي
  • Register

د (MEC) کمېټې د غړو ژوند لیک

comittee

کمیټه د فساد پروړاندې د شپږو غښتلو متخصصینو څخه جوړه شوې چې د غړو ټاکل یې دیوې پروسې له لارې چې د نړیوالې ټولنې او د افغانستان د حکومت له لارې سرته رسیږي، ټاکل کیږي. د کمیټې مشري په هرو شپږو میاشتو کې د افغاني او نړیوالو غړو ترمنځ دوران پیدا کوي

 

اغلې هیلینه ملکیار په افغانستان کې د دولت جوړونې او سیاسي پراختیا په برخه کې د څه دپاسه دوو لسیزو لپاره د یوې اکاډمیکې، علمي، کارپوه شخصیت او ګډونوالې په توګه کار کړی دی. په داسې حال کې چې د اغلې ملکیار علمي څیړنه  په افغانستان کې د دولت جوړونې او عصري کولو په محور باندې څرخي، خو د ۱۳۸۰ کال راهیسې نوموړې په بیلابیلو برخو لکه د مرکزي حکومت سره د اړیکو د تامین، د سیمه ایزو ارګانونو د ظرفیت جوړونې او د ملګرو ملتونو د پراختیايي پروګرام (UNDP)، د افغانستان لپاره د ملګرو ملتونو مرستندویه پلاوي (یوناما) او د امریکا دمتحده ایالاتو نړیوالې پراختیایي ادارې (USAID) په ګډون له یو شمیر نړیوالو سازمانونو سره په بیلابیلو پروژو باندې کار کړی دی. د نوموړې د هغو علمي آثارو او لیکنو سربیره چې په نړیوالو علمي ژورنالونو کې خپرې شوي دي، په دې وروستیو کلونو کې اغلې ملکیار د یو شمیر خبري او رسنیزو ویب پاڼو په ګډون د الجزیرې، د اقتصادي مالوماتو واحد(EIU) او راډیو آزادۍ لپاره د افغانستان د روانو چارو په هکله تحلیلي مقالې لیکي. اغلې ملکیار خپل د دوکتورا چارې بشپړې کړې دي او د منځني ختیڅ په ژبو او ادبیاتو او اسلامي څیړنو کې یې خپله ماسټري د نیویارک پوهنتون څخه  اخیستې ده. او همدارنګه په یاده برخه کې یې په اریزونا پوهنتون کې د لیسانس تر کچې زدکړې کړې دي. نوموړې اوس مهال د کمیټې نوبتي مشره ده.

ښاغلی جاوید نوراني د یو مخکښ مدني فعال په توګه د افغانستان د کانونو د سکتور په بیلابیلو برخو کې د روڼوالي او حساب ورکونې د تامین په تړاو د پام وړ هلې ځلې کړي دي. نوموړی د لویو سرویګانو او  څیړنیزو پروژو په پلي کولو کې  ځانګړې او پراخه تجربه لري او تر اوسه یې بیشمیره مقالې او لیکنې چاپ او خپرې شوې دي. ښاغلی نوراني، دمګړۍ د ملګرو ملتونو د پراختیايي پروګرام (UNDP) د بشري پراختیا د راتلونکي رپوټ  مخکښ لیکونکی دی.نوموړي په افغانستان، هندوستان او پاکستان کې د بیلابیلو سیمه ایزو او نړیوالو مشورتي شرکتونو سره په څړنیزو پروژو لکه حکومتوالۍ، امنیت، پراختیا، شخړه او طبیعي سرچینو کې کار کړی دی. ښاغلي نوراني د شخړو د شننې او سوله پالنې په برخه کې د هندوستان د نوي ډهلي د جامعه ملیه اسلاميه (Jamia Millia Islamia) پوهنتون د نیلسون ماندیلا د سولې او شخړو د هوارۍ د مرکز څخه خپل دیپلوم او ماسټري اخیستې ده. همدارنګه نوموړي خپل د لیسانس سند په نوي ډهلي کې د شري رام (Shri Ram) د تجارت او سوداګرۍ له پوهنتون څخه ترلاسه کړی دی.

ښاغلی باري سلام د څارنې او اورزونې له کمیټې سره د ۱۳۹۶ کال د تلې په میاشت کې د کمیټې د افغان غړي په توګه یو ځای شو. ښاغلي باري سلام چې یو ژورنالیست، متشبث، او د بشر د حقونو فعال دی، په ۱۳۵۷ لمریز کال په بدخشان ولایت کې زیږیدلی. نوموړي لیسانس په دري ادبیاتو کې د کابل له پوهنتون څخه او ماسټري د تفتس پوهنتون له فلیچر ښوونځي څخه په نړیوالو اړیکو کې ترلاسه کړې ده. هغه ته په متحده ایالاتو، انګلستان او آلمان کې د اړیکو او رهبرۍ په برخو کې ګڼ شمیر معتبر فیلوشیپونه ورکړل شوي دي.

ښاغلی سلام د اړیکو، رسنیو مدیریت، او مدنی ټولنی د فعالیتونو په برخه کې ۱۹ کاله تجربه لري. نوموړي له ۱۳۷۵ څخه تر ۱۳۸۰ کال پورې په کابل کې د سره صلیب له نړیوالې کمیټې سره د خبري اتشې په توګه دنده ترسره کړې ده. په ۱۳۸۰-۱۳۸۱ کلونو کې، هغه د افغان کډوالو لپاره د ډنمارک کمیټې د مرستو په اداره (DACAAR) کې د اړیکو مسئول و. د رسنیو په برخه کې د هغه له تجربو څخه په ۱۳۸۱کال کې د سهار په خیر افغانستان راډیو تاسیس و، چې په هیواد کې د عامه خپرندویه خدمتونو لپاره لومړنۍ خپرونه وه. دغه راز د NAW MEDIA تولیدي شرکت او په ۱۳۸۷ کال کې د ۷تلویزوني شبکې جوړول هم پدې خدمتونو کې شامل دي.

ښاغلی سلام له تیرو درې کلونو راهیسې د افغان فارغ التحصیلانو د تنظیم (OAA) رئیس دی، دا هغه شبکه ده چې د فلبرایټ له ماسټري پروګرام څخه د فارغینو او د تبادلې په نورو کلتوري پروګرامونو کې د ګډونوالو په شمول له ۵۰۰ څخه زیاتو فارغینو څخه تشکیل شوې ده او د متحده ایالاتو د حکومت له خوا یې ملاتړ کیږي.

د مدني ټولنې د یو وتلي فعال په توګه ښاغلي سلام، له ۵۰ څخه په زیاتو هغو نړیوالو کانفرانسونو کې ګډون کړی چې په افغانستان کې د آزادو رسنیو، د ښځو حقونو، پرمختیا او امنیت د ودې په موخه جوړ شوي او د خپلو همکارانو له خوا په ۱۳۹۴ کال د افغانستان په اړه د لندن په کنفرانس او په ۱۳۹۱ کال د بن په کنفرانس کې د مدني ټولنې د ویاند په توګه وټاکل شو. نوموړي د فرخندې په اړه غونډه او د پغمان د جنسي تیریو د قربانیانو د دفاع په خاطر د لاریونونو په شمول د مدني ټولنو پراخ کمپاینونه تنظیم کړي دي او د هغوی مشري یې کړې ده. دغه راز د تیرې لسیزې په اوږدو کې، ښاغلي سلام د مدني ټولنې او بشري حقونو یو شمیر زیاتو سازمانونو په تاسیس او پیاوړتیا کې مرسته کړې ده چې په کې د مدني ټولنې او بشري حقونو ۱۲۰ کسیزه شبکه (CSHRN) ، د افغانستان ژورناليستانو ملي اتحادیه (ANJU)، د ژورنالستانو د خوندیتوب کمیټه، او د مدني ټولنې ګډ کاري ګروپ شامل دي.

ښاغلی لورنزو دولګ (Lorenzo Delesgues): د ۱۳۹۶ کال د کب په نولسمه نیټه د ولسمشر اشرف غني له خوا د اداري فساد پر وړاندې د څارنې او ارزونې خپلواکې ګډې کمیټې د بین المللي غړي په توګه وټاکل شو.

ښاغلی لورنزو ۱۰ کاله په افغانستان کې اوسیدلی دی او ۲۵ کلن و چې د افغانستان روڼتیا څار سازمان بنسټ یې چې له اداري فساد سره د مبارزې په برخه کې د هیواد مخکښه اداره ګڼل کیږي، کیښود. ښاغلي لورنزو له ۲۰۰۶ څخه تر ۲۰۱۱ کال پورې د یاد سازمان مشري په غاړه وه، چیرې چې نوموړي له اداري فساد سره د مبارزې په برخه کې په جنګ ځپلو چاپیریالونو کې د ټولنیزې طرحې (social design)، د مخکښو ټولنیزو پلټنو او ټولنیزو څارنو ځواک او اغیزمنتیا ته پام شو.

په ۲۰۱۲ میلادي کال کې په فرانسه کې په دې هیله چې یاد موارد په غربي نړۍ کې هم وکاروي، د (Voxmapp) اپلیکشن په طرحې او ډیزان یې کار پیل کړ چې وروسته بیا یاد اپلیکشن د فرانسې د ښاروالانو د ټولنې(French Salon of Mayors) له خوا د ۲۰۱۶ کال د نوښت جایزه وګټله. نوموړی ټولنیزه طرح (social design) د خلکو او دولت د پیوستون په برخه کې کاروي.

ښاغلی لورنزو د پاریس په ساینس پو(Sciences Po) پوهنتون کې " په جګړه ځپلې چاپیریال کې د حسابورکونې او شفافیت " په برخه کې او د فرانسې د طراحۍ په ایکولو کمانډو(Ecole Camondo) پوهنتون کې " په طراحې او معمارۍ کې د ټولن پوهنې او انسان پیژندنې " مضمون تدریسوي.

S5 Box